SuperDizionari

jevâ sù loc.v.

Movi insù, indreçâ insù, fâ movi insù, fâ alçâ, svolâ e v.i.

sinonims

tirâ sù, jevâ

esemplis

"no jere plui buine nancje di jevâ sù il braç cu la sedon"

gjavât fûr di "Il dolfin" di Carlo Sgorlon

"al ploveve des frisis dal sofit di breis il patùs che a jevavin sù lis surîs tes lôr scanis sul cjast"

gjavât fûr di "Messe a straoris" di Meni Ucel

jevâ sù loc.v.

Fâ nassi, fâ vignî fûr

sinonims

tirâ sù, tirâ fûr, jevâ, movi

esemplis

"al è di domandâsi se chei che a àn jevade sù tante confusion cuintri de grafie uficiâl normalizade a son restâts ancjemò convints di vê fate une grande bataie par salvâ lis variantis"

gjavât fûr di "Memoriis di politiche linguistiche" di Adrian Cescje

jevâ sù loc.v.

Tirâsi sù impins, no stâ plui sentât o distirât

sinonims

jevâsi sù, jevâ, jevâsi, tirâsi sù

esemplis

"al si smenà un pôc su la cjadree e po al jevà sù di colp"

gjavât fûr di "La pidade" di Alviero Negro

"planchin planchin al butà de bande la coltre, al metè fûr i pîts dal jet, al jevà sù"

gjavât fûr di "Nadâl ancje par Gjelmin" di Pieri Menis

jevâ sù loc.v.

Lâ sù, lâ ad alt o ancje intune direzion che si pues calcolâ ad alt, superiôr, setentrionâl e v.i. (ancje fig.)

sinonims

lâ sù, jevâsi sù

esemplis

"il soreli, che al jevave sù pegri parsore la culine, al pareve che nol rivàs adore di iluminâ chel mont frêt e muart"

gjavât fûr di "Sul agâr" di Pieri Menis

"al ti netave di polvar jeurs e cuais e parfin i becanots tal palût che a jevin sù a vueu come fusetis strambis"

gjavât fûr di "Par stradis lungjis" di Alan Brusini

jevâ sù loc.v.

Nassi, scomençâ a jessi o a fâsi sintî

sinonims

jevâ, jevâsi, jevâsi sù

esemplis

"e jere tornade la Siarade, cu lis ploiis, il frêt restîf e la buere che e jevave sù di colp"

gjavât fûr di "Il dolfin" di Carlo Sgorlon

jevâ sù loc.v.

Rivâ o tornâ a un nivel alt di fuarce, benstâ, valôr, libertât e v.i. (fig.)

sinonims

jevâ, jevâsi, jevâsi sù, tirâsi sù

esemplis

"chi di nô lis disgraciis a insegnin a jevâ sù plui fuarts di prime"

gjavât fûr di "Cuintristorie dal Nûfcent 1980-1990" di Angelo Floramo

monolengâl